Israel dwanekɔbea

Ɔsoroforɔ dwom.

1 Wɔn a wɔde wɔn ho to AWURADE soɔ no

te sɛ Sion bepɔ,

ɛnhinhim, na ɛsi hɔ daa.

2 Sɛdeɛ Yerusalem, mmepɔ atwa ho ahyia no,

saa ara na AWURADE atwa ne man ho ahyia

firi seesei de kɔsi daa.

3 Na bɔne ahempoma rentena

ateneneefoɔ kyɛfa so,

na ateneneefoɔ antene

wɔn nsa ansɔ amumuyɛ mu.

4 AWURADE, yɛ wɔn a wɔyɛ no yie,

ne wɔn a wɔtene wɔ wɔn akoma mu.

5 Na wɔn a wɔmane kɔ wɔn akwan nkontonkyi soɔ deɛ,

AWURADE de wɔn bɛfra amumuyɛfoɔ akɔ.

Asomdwoeɛ mmra Israel so.