Misraim fire mu nkonyaa

1 Israel firii Misraim,

na Yakob fiefoɔ firii ananafoɔ man mu no,

2 Yuda yɛɛ ne kronkronbea,

na Israel yɛɛ ne tumidibea.

3 Ɛpo hunui, na ɛdwanee,

Yordan sanee n’akyi.

4 Na nkokoɔ yɛɛ sɛ nnwammaa.

Mmepɔ hurihurii sɛ adwennini,

5 Ɛpo, ɛdeɛn na ɛyɛɛ woɔ na woredwane,

na wo Yordan nso, woresane w’akyire yi?

6 Mo mmepɔ, sɛ morehurihuri sɛ adwennini,

na mo nkokoɔ, moreyɛ sɛ nnwammaa yi?

7 Asase, popo AWURADE anim,

Yakob Nyankopɔn anim.

8 Na twerɛboɔ yɛɛ nsuo aniwa.

Ɔno na ɔdanee ɔbotan maa no yɛɛ ɔtadeɛ.